Enflasyon se ogmantasyon pri machandiz ak sèvis sou yon peryòd. Sa vle di avèk menm kantite lajan an, w ap kapab achte mwens menm machandiz la pase avan. Enflasyon chanje valè pwodwi yo, yo vin koute pi chè.
Enflasyon ki soti nan demann : Lè gen anpil moun k ap mande yon machandiz oswa sèvis, sa ka fè pri yo monte. Sa rive souvan lè ekonomi an ap reprann, lè anpil moun vle depanse olye yo sere lajan. Enflasyon sa a kòmanse lè demann konsomatè yo ogmante. Machann yo konn eseye satisfè demann sa a lè yo ogmante pwodiksyon an, men yo konn monte pri yo tou. Pa egzanp byè souvan vann pi chè nan mwa desanm. Yo rele sa enflasyon ki soti nan demann oubyen enflasyon pri.
Gendelè tou, pri materyo pou fè yon machandiz oswa yon sèvis ogmante, epi ogmantasyon sa a se kliyan an ki peye l. Pa egzanp, si gaz la vin pi chè, gen anpil machandiz kap vin pi chè..
Se lè moun ap achte machandiz oswa dola pa paske yo bezwen li, men paske yo vle kreye rate pou fè pri monte, epi pou yo fè gwo benefis sou do pèp la.